قناع الظلام

[b][justify]قناع الظلام ‏

أجل زهر الوفا نار الخيانه
تحرقه ويموت
دخيلك ما تعودت أ نحني
للجرح وأخطاره
شربت الضيم و الحقتة بقايا همي المكبوت
أحاول أنزع قناع الظلام
واكشف اسراره
أداري كل موقف و أقتنع في رايكم بسكوت
وأنا أبحث عن سناصبح لحقيقه
وأخذ أخباره
تعبت من الطعون اللي بظهري
كل يوم تفوت
تعبت و كل ذا بسباب قلبي
نعنبوداره
شربنا و أرتوينا من سواليفك
عن الياقوت
و في بحرك تعبت أغوص
ماحصلت محاره
حسوده لا أنانيه و حقدك
داخلك مكبوت
ظلمتي الحب باوهامك و فيني
قل مقداره
عن أذنك ببتعد والجرح في قلبي
عليه ثبوت
مدانه و الجريمه حكمها من
حقي أختاره
حكمتك بالفراق اللي أبدماعقبه
الا الموت
أجل برحل وجرحك في خفوقي
يعزف أوتاره
انا ياما تركت الحبل عل غارب
معك مفلوت
و ثقت و ما توقعتك معي
يابنت غداره
كفايه ماأبي منك دفاع ولاأبا
اسمع صوت
غلاك أنهار و تحطم بعينك
شفتي غباره

صح بدنك

تعبت من الطعون اللي بظهري
كل يوم تفوت
تعبت و كل ذا بسباب قلبي
نعنبوداره
شربنا و أرتوينا من سواليفك
عن الياقوت
و في بحرك تعبت أغوص
ماحصلت محاره
الله الله والله ابيات رائعه ومن شاعر متمكن ولا تحتاج لرأي احد
والله سعيدين بوجود شاعر مثلك بيننا

ماشاء الله عليكم قلبتوا كلكم شعراء ربي يسعدكم ..
بالتوفيق وصح لسان كل واحد منكم..